20 гадоў для палiтычнай партыі – тэрмін немалы. Ды нават для краіны таксама. Прыняцце Дэкларацыі аб незалежнасці 27 ліпеня 1990 года, палітычныя баталіі, нафтагазавыя супярэчнасці з суседняй краінай, якія нагадваюць перацягванне каната, фінансавы крызіс... Багатымі на падзеі былі гэтыя гады і для адной з уплывовых палітычных сіл. 22 лістапада ў клубе «Прагрэс» у Брэсце сабраліся сябры абласной арганізацыі, каб адзначыць 20-годдзе ўтварэння партыі БНФ.